KORONADAL CITY- Ginluthang-patay ang isa ka miyembro sang Citizens Armed Forces Geographical Unit sa mga terorista nga New People’s Army sa Sitio Limangga, Barangay Midtungok sa Senator Ninoy Aquino, Sultan Kudarat.
Ang biktima ang ginkilala kay Noy Lapi,may pamilya kag yara sa legal nga edad.
Sa interbyu sang Bombo Radyo Koronadal kay PMAJ Rodney Binoya, Chief of Police sang Senator Ninoy Aquino MPS, ginpahayag sini nga patay on the spot si Lapi makaligad nga ginluthang ini sang makalima ka bes sang mga 7 ka mga NPA.
Nahibaluan nga isa ka anay NPA si Lapi nga nagsungka kag nagbalik sa sabak sang gobyerno kag suno pa sa imbestigasyon sang mga otoridad, mga anay kaupdanan nga NPA ni Lapi ang nagluthang sa iya nga isa sa ginatan aw nga motibo sa krimen.
Sa karon gilayon naman nga naghimo sang manhunt operation ang SNA PNP batok sa mga NPA sa ila nga lugar.
