KORONADAL CITY- Inspirasyon sa mga nadulaan sang paglaum sa kabuhi ang luyag nga ipalab-ot sang isa ka 50 anyos nga letter sender nga finalist sa Kahapon Lamang Program sa Light at the end of the tunnel contest sang Bombo Radyo.
Nahibaluan nga isa ang sulat kasaysayan ni alyas Elvie ng Acmonan, Tupi South Cotabato ang nagtandog sa balatyagon sang mga tagpalamati sang Bombo Radyo makaligad nga ginpakigbahin ang istorya sang iya kabuhi nga nagsugod sa mapait nga hitabo kun diin sa bata nga edad sini namuklat siya sa kapigaduhoan sang kabuhi matapos nagtaliwan ang iya iloy.
Nakaeksperiensiya man ini sang pagmaltrato sa kamot sang iya nga madrasta kun diin gintilawan ini sang kapalaran sang magsulod sa rebelde nga New People’s Army kaupod ang duha ka mga utod sini nga nagaedad 16-anyos sa handum nga makahatag sang maayo nga bwas damlag sa iya.
Nahibaluan suno pa sini nga indi solusyon sa problema sa kabuhi ang pag-uyat sang armas kag makigbato sang prinsipyo nga wala niya mahibaluan rason nga nagbalik ini sa normal nga pagpangabuhi kag nagpamana tubtob nahatag sang 3 ka mga bata.
Madamo man ang pagtilaw nga naagyan sini apang nagpabilin siya nga nagatoo sa mahal nga Diyos kun diin sa subong ang mga bata sini ang lunsay na mga propesyonal kag may maayo nga kabuhi.
Samtang, kalakip man sa mga ginapilian nga sulat kasaysayan ang istorya sang isa ka iloy nga nakaeksperiensiya sang kabudlay makaligad nga mapreso ang aban sini sa sala nga wala niya mahimo kag ginpadako tubtob ginpaeskwela ang 8 ka mga bata nga may maayo naman nga kabuhi sa karon.
Samtang, wala man nagpaulihi ang istorya angot sa paghigugma nga gintilawan sang panahon apang sa ulihi sila sa gihapon ang nagdayunay.
Karon sa hapon, mahibaluan na kun diin sa tatlo ka mga sulat kasaysayan ang magadaug sa light at the end of the tunnel contest sa programa nga Kahapon Lamang sang Bombo Radyo Koronadal.
