Naglab-ot sa 292 ka anay combatants sang Moro Islamic Liberation Front (MILF) kag Moro National Liberation Front (MNLF) ang nag-gradwas sa anum ka bulan nga Bangsamoro Police Basic Recruitment Course sang PRO-BAR.
Sila ang ikaduha nga batch nga nagpaidalom sa training sang Bangsamoro Training Center-National Police Training Institue antes nga nagpanumpa bilang patrolmen kag patrolwomen.
Si PRO-BAR Regional Director Brig. General Prexy Tanggawohn ang nagpanguna sa pag-gradwar sang BATCH 2023-02 Class Alpha-Foxtrot “HIMAGLASIK”.
Ginpahayag sang opisyal nga wala matapos sa ila nga graduation ang padayon nga pagbug-os sang ila nga pagkatawo bilang maayo nga mga pulis apang magaagi pa sa mga training agud mangin epektibo nga law enforcers.
Gin-awhag man sini ang mga graduates nga magserbe nga maayo, may intigridad, disiplina, pagsunod sa laye, pagrespeto sa kinamatarong kag ginsumpaan nga responsibilidad.
Photos: PRO-BAR
