KORONADAL CITY- Nagpalab-ot sang iya nga mensahe ang isa sa mga anay kumander sang Guerilla Front 73 sang komunista kag rebelde nga New People’s Army subong nga Semana Santa kadungan sang ginpatigayon nga Mindanao Rally for Peace sa banwa sang Surallah, South Cotabato.
Sa ekslusibo nga interbyu sang Bombo Radyo Koronadal kay Ka Jik-Jik, ini na suno pa ang nagakaigo nga tion nga pamalandungan sang mga rebelde ang ila mga sala kag magdesisyon nga magbalik na sa gobyerno kag mangabuhi sang normal kasubong sini.
Dugang pa sini nga nahibaluan nya nga tuma na ka kapoy ang mga anay na kaupdanan sa kabudlay nga gina eksperyensya sa kabukiran kag ang kahadlok sa tion nga may makit-an nga suldado sa palibot.
Nagakadapat suno pa nga kuhaon sang mga anay kaupdanan ang oportunidad nga ginhatag sang gobyerno agud makaangkon sang bag-o nga pagpangabuhi kun sa diin wala suno pa ini sang ginahinulsulan nga ginsakripisyo nya ang iya mali nga prinsipyo kabaylo sang malinong nga kabuhi kaupod ang iya pamilya makaligad mahuna-hunaan gin-usar lang suno pa sila sang komunista nga grupo kag ginpasalig na mahatagan sang maayo nga bwas damlag.
Nahibaluan nga makaligad ini nga magsungka nahatagan sya sang palangabuhian kag naka-eskwela man ang iya nga bata.
Gin-insister man sini nga indi pinatyanay ang sabat sa kapigaduhon sa baylo pagpalapit sang problema sa gobyerno.
