Nagapadayon sa karon ang imbestigasyon sang mga otoridad makaligad nga napatay ang isa ka anay konsehal sang Mamasapano, Maguindanao del Sur makaligad nga luthangon ini sa wala pa natumod nga mga suspek sa bahin sang parking lot sang Em Manor Hotel, Barangay Rosary Heights 9, Cotabato City.
Ginkilala ang biktima nga napatay nga si Abdulrakman Kasid, yara sa husto nga pangedaron kag taga Mamasapano, Maguindanao del Sur.
Sandig sa imbestigasyon sang mga otridad nagahulat lamang sang salakyan sa parking area ang biktima sa gulpi lamang ini nga palapitan sang duha ka suspek sakay sang nagaduag nga gray nga hilux kag ginluthang.
Nakaangkon sang nagkalain lain nga igo sang bala sa iya nga lawas ang biktima nga tunaan sang iya gilayon nga kamatayon.
Narekober naman sa crime scene ang 11 basyo sang bala nga gikan sa M-16 long firearm nga gingamit sang mga suspek.
Nahibaluan nga nagtakop sa bag o lamang nagtakop ang awarding ceremony sang bantayan ang biktima sang wala pa natumod nga suspek samtang paguwa sa isa ka establisyemento.
Padayon naman ang imbestigasyon sang PNP sa crime scene agud madakpan gilayon ang suspek kag mahibaluan ang motibo sa krimen.
