KORONADAL CITY – Nagsungka sa kapulisan ang isa ka 46-anyos nga lalaki nga miyembro sang Milisyang Bayan sa Brgy. Sagcungan, President Roxas, Cotabato.
Ginkilala ni Police Major Jun Napat, hepe sang President Quirino Municipal Police Station, ang nagsungka nga rebelde nga si Alyas ‘Ka Igyot’, nga anay Collector kag Intel sang Milisyang Bayan gikan sa Daguma Guerilla Front 53, kag residente sang nasambit nga lugar.
Ginpahayag ni Napat nga ginsungka man ni Ka Igyot ang isa ka yunit sang Shotgun nga may yara sang apat ka bala.
Nagsungka ang anay rebelde bangud sa wala untat nga kampanya batuk sa insurhensya sang mga kapulisan, RMFB 12 kag Cotabato Police.
Sa karon, yara na ini sa kustodiya sang RMFB agud ipaidalom sa debriefing kag agud matumod kun mahimo ini nga ipaidalom sa Enhanced Comprehensive Local Integration Program.
