KORONADAL CITY- Nagapadayon ang imbestigasyon sang Tupi PNP kaangot sa nagluntad nga pagpangluthang sa anay barangay kagawad sa Sitio Benigno Aquino, Brgy. Miasong Tupi, South Cotabato.
Ang biktima ang ginkilala nga si Annie Maramba, 46 anyos, former Barangay Kagawad kag residente sang nasambit nga lugar.
Nagwa sa inisyal nga imbestigasyon sang Tupi PNP nga yara sa talamnan ang biktima kaupod ang iya mister sang nakabati suno pa ang mga ini sang lupok sang armas luthang.
Nagasinggitan suno pa ang biktima sang gin-ambush ang mga ini.
Nahibaluan nga nakaangkon sang igo sang bala sa dughan ang biktima nga nangin kabangdanan sa iya nga kamatayon.
Nahibaluan nga makapila ka bes anay nga ginhana patyon ang biktima bag-o natabo ang pagpatay sa iya.
Sa karun nagapadayon pa ang imbestigasyon sang Tupi PNP agud madayon ang identity sang mga suspek.
