Nagpositibo sa anti-depressant drug ang lawas sang napatay nga anay Undersecretary sang Department of Public Works and Highways (DPWH) nga si Catalina Cabral.
Ini ang nagwa sa inisyal nga toxicology report sang Philippine National Police (PNP).
Suno sa preliminary laboratory report halin sa PNP Regional Forensic Unit Cordillera Administrative Region, nagpositibo ini sa citalopram, isa ka klase sang antidepressant nga bulong.
Ang amo man nga bulong amo ang isa sa mga narekober sang kapulisan sa ila ginpatigayon nga paghalughog sa kuwarto sang hotel sa siyudad sang Baguio kun sa diin siya nagtinir.
Wala man sila nakakita sang bisan ano nga histopathological findings ukon terminal diseases sa lawas sang anay opisyal.
Madumduman nga ginpahayag ni Interior Secretary Jonvic Remulla nga base sa ila inisyal nga imbestigasyon, nagpakamatay ang anay opisyal sang DPWH.
