Nag-abot na si Elizabeth Zimmerman, ang anay asawa ni anay Presidente Rodrigo Duterte kag iloy ni Vice President Sara Duterte, sa Netherlands.
Ginpahayag ini ni VP Sara kag nagpahayag nga magabisita ang iya nanay kag ang iya utod nga si Davao Rep. Paolo Duterte sa ila amay sa ICC detention facility sa Scheveningen, The Hague.
Apang wala pa sang detalye kon san-o nila bibisitahan ang dating Presidente.
Sang nagligad nga semana, nagtipon ang mga tagasuporta ni FPRRD sa isa ka gamay nga damuhan sa atubang sang detention center agud ipagdiwang ang ika-80 nga kaadlawan sang dating Presidente.
Madumduman nga gin-aresto si anay PRRD sang Marso 11 sang nag-abot siya sa Pilipinas halin sa Hong Kong, kasunod sang isa ka warrant nga ginpagwa sang International Criminal Court (ICC).
Ang ginpatigayon nga aresto kabahin sang imbestigasyon sang ICC parte sa kontrobersyal nga “war on drugs” sang iya administrasyon.
Suno sa arrest warrant, gin-akusaran si Duterte nga nagpatukod, nagpondo, kag nagpalapnag sang mga death squad nga responsable sa mga pagpatay sa mga gina-akusar nga nagagamit kag nagabaligya sang droga sa pungsod.
Gindala si Duterte sa The Hague sang adlaw mismo sang iya pagkaka-aresto.
