KORONADAL CITY – Ginbawian sang kabuhi ang isa ka amat makaligad nga malumos sa isa ka beach resort sa banwa sang DOS Maguindanao samtang pilason naman ang duha sini ka bata makaligad nga maaksidente ang ginasakyan nga motorsiklo sa pagdali nga masagop ang amay.
Ginkilala ang mag-utod nga sanday Arnel Ruyod 18 anyos kag Ryan Ruyod 16 nga mga residente man sang nasambit nga lugar.
Sandig sa report, gintilawan nga dal-on ang biktima nga si Aladin Ruyod ,46 anyos, negosyante nga residente sang Brgy. Gang sa banwa sang Sultan Kudarat Maguindanao apag wala na nakaabot pa nga buhi.
Lunsay naman nga gindala ang duha niya ka bata sa hospital matapos nga magpadulong sa lugar kun diin nagapaligo ang ila amay apang naaksidente ang mga ini sa ginsakyan nila nga motorsiklo.
Sa panaysayon sang asawa sang biktima, naligo sila sa dagat kun diin nagkadto ini sa isa ka floating cottage sang resort pero nakita na lamang si Ruyod nga nalumos kag nagahingyo sang bulig.
