Ginpatigayon kahapon nga adlaw ang Alpha Run 2025 kaangay sa pagsaulog kag culmination sang Rabies Awareness Month sa Rizal Park, Koronadal city, pasado alas-6 sang ka-agahon nga adlaw, Marso 22, 2025.
Ang nasambit nga aktibidad amo ang isa ka inisyatibo sang City veterinarian office kabahin sa padayon nga pagsaulog sang Rabies awareness month subong nga tuig.
Ini nga aktibidad amo ang gintambungan sang nagkalain-lain nga mga kasapatan lakip ang mga ido kag kuring, kaupod ang ila nga mga owners. Suno pa, may yara ini sang tatlo ka categories, amo ang 1km , 3km, 5km run.
Nagpaabot man ang organizer kag ang ahensiya sa publiko sang ini nga aktibidad nga may yara sang available vaccines sa Rizal Park kun luyag nga ipa-vaccine man ang ila kasapatan.
Samtang, padayon man nga nagapaalinton sa publiko ang veterinary office sang syudad nga halungan kag palanggaon man ining mga kasapatan kag kun makabaton sang kagat ukon lapok sang kasapatan nga may rabies, partikular na ang mga ido kag kuring, kinahanglan magpalantaw kag magpabakuna sa madali nga panahon.
