KORONADAL – Nakakas ang kakapoy nga nabatyagan sang alkalde sang syudad sang Koronadal bangud isa ini sa mga mga naghatag sang libre nga serbisyo sa madinalag-on nga Bombo Medico 2017 sa Koronadal Central Elementary School 1 sa syudad.
Nahibaluan nga si Koronadal City Mayor Peter Miguel ang tuigan nga nagapakigbahin sa Bombp Medico 2017 kun sa diin nabansagan na ini nga “The Last Man Standing” bangud masami ini ang pinaka ulihi nga doktor nga matapos sa nasambit nga aktibidad ilabi na nga wala ini nagahalin sa venue tubtob indi matapos nga maserbisyuhan ang mga pasyente sa ENT.
‘
Pahayag pa sini nga sa Bombo Medico, motto na sang mga volunteers ang “Matira ang Matibay” sa paghatag sang bug-os nga serbisyo nga wala sang ginahulat nga kabaylo.
Samtang gindayaw naman sini ang indi mabaydan nga aktibidad sang Bombo Radyo kun sa diin kabahin na sang kabuhi sang mga South Cotabateños.
