KORONADAL CITY – Suspendido sang 120 ka adlaw sa serbisyo bilang alkalde si Banga Mayor Evangeline Bambi Palencia kaupod ang 9 ka mga konsehal sini bangud sa kaso nga Grave Abuse of Authority kag Culpable Violation of Constitution.
Sa sesyon sang Sangguniang Panlalawigan sang South Cotabato nga ginpangunhan ni Vice Governor Arthur Pingoy, naguwa nga guilty ang alkalde ka 9 ka iban pa sa nasambit nga mga kaso sa diin nag ugat sa reklamo sang JY Archers Games & Entertainment Corporation batok kay Banga Mayor Evangeline Palencia kag pila ka mga miyembro sang Sangguniang bayan sang Banga , South Cotabato.
Ang nasambit nga kaso ang ginpasaka sang JY Archers Games and Entertainment Corporation sa Sangguniang Panlalawigan sang South Cotabato.
Ginpasaka sang complainant ang kaso matapos ang ginhimo nga pagpangbaklas sang LGU sa masobra 80 ka mga Small Town Lottery ukon STL booths matapos nga ginpatuman nila ang local ordinance nga nagalimita sa operasyon sang STL.
Sa complaint nga ginpasaka sang JY Archer, gin-insister sang mga ini nga ang STL ang yara sa idalom sang Philippine Charity Sweepstakes Office ukon PCSO rason nga wala sang gahum ang LGU nga i-regulate ang operasyon ini.
Kalakip man sa suspendido nga opisyal sang banwa sang amu sanday Councilors:
1.Jennifer P. Plana
2.Alex D. Garcia
3.Romeo B. Palua
4.Mario C. Madero
5.Arman Palomar
6.Fermin M. Dorego
7.Bobby Delalamon
8.Ian Jorge D. Gesalan, and
9.Joey D. Malayon
