Nagpalab-ot ang Alkalde sa Banwa sang Norala sa mga Doctor kag mga Nurse kag sa tanan nga empleyado sang Norala District Hospital nga e akomodar sang matarong ang mga pasyente kung ano man ang ila estado sa pagpangabuhi.
Sa interview sang Bombo Radyo Koronadal kay Norala Mayor. Clemente Fedoc , Ginapahayag sini nga dapat e assist kag tratohon sang maayo ang mga pasyente nga nagapalapit ukon naga kinahanghalan sang bulig sa kung ano man ang ila nga status sa pagpangabuhi. Ini matapos sa nag viral nga post bangud sa ginaalegar nga kapabayaan sang mga Nurse kag Doctor nga nangin resulta sa kamatayon sang isa ka pasyente sa nasambit nga Hospital sang tinalikdan nga adlaw.
Dugang pa kay Fedoc, nagpaabot na sang bulig ang LGU Norala sa pamilya sang pasyente nga nagtaliwan kag iya na ini na istorya sa parte sa natabo kag ginasigurado nag ma taga-an solusyon ang problema kag ma istoryahan ang mga opisyal sang nasambit nga Hospital.
Gina palab-ot ni Mayor. Fedoc sa tanan nga mga empleyado sang nasambit nga Hospital nga importante ang tama nga pag trato kag pag akomodar sa mga pasyente.
