Nakapyansa sa Valenzuela Regional Trial Court Branch 282 ang ginkakas nga Bamban, Tarlac Mayor nga si Alice Guo sa 2 counts sang kaso graft nga ginpasaka sang Department of the Interior and Local Government angot sa iya pagka-imbolbado sa ginsulod sang mga otoridad nga Philippine Offshore Gaming Operator (POGO) sa Bamban.
Ginpaboran ni Valenzuela RTC Judge Elena Amigo Amano ang hingyo nga payansa sang abogado ni Guo nga si Atty. Stephen David bangud sa mga petisyon angot sa kustodiya sang anay alkalde.
Una na nga gintinguhaan ni David nga makakuha sang status quo para magpabilin sa Philippine National Police (PNP) custodial facility si Guo bangud makabig nga high profile ang iya nga kliyente.
Apang, ginpahayag sang Korte nga may letter request ang Quad Committee sang House of Representatives nga kuhaon ang kustodiya kay Guo bangud sa contempt order.
Lunes, Septiembre 23 natalana talakayon sang korte kun diin dapar presohon si Guo.
