Naangkon sang Filipino tennis star , Alex Eala ang pinaka-bag-o niya nga career-high sa WTA rankings bilang No. 70 . Nag-saka si Eala sang duha ka pwesto sa rankings halos duha ka semana matapos ang iya hampang sa Madrid Open.
Gindaug ni Eala ang una niya nga hampang batok kay Victoriya Tomova sang Bulgaria sa Madrid, apang natalana siya sa ikaduha nga round batok sa lima ka beses nga Grand Slam champion nga si Iga Swiatek sang Poland, 6-4, 4-6, 2-6, sa ila ginahulat nga rematch.
Upod si Eala sa mga nagapanguna nga rising stars sa women’s tennis matapos ang iya makasaysayan nga performance sa Miami Open sang Marso, kun sa diin gindaug niya ang pila ka major champions, lakip na si Swiatek sa quarterfinals.
Ginapaninguhaan ni Eala nga mapadayon ang iya momentum sa palaabuton nga Italian Open kun sa diin atubangon niya si world No. 27 Marta Kostyuk sang Ukraine sa Round of 128.
Isa ini ka mabudlay pero mabinungahon nga tuig para kay Eala, nga maga-apil man sa main draw sang French Open karon nga bulan.
