-- ADVERTISEMENT --
Wala nakab-ot sang Pinay tennis ace nga si Alex Eala ang kampyonato sa WTA 250 Eastbourne Open matapos siya napierde sa Australian tennis player nga si Maya Joint sa iskor nga 6-4, 1-6, 7-6 (10).
Ang 20-anyos nga Pilipina nagtala sang makasaysayan nga kadalag-an sa nasambit nga kompetisyon bilang siya ang pinakauna nga Pilipino nga nakasulod sa Finals sang prestihiyoso nga tennis tournament.
Ini ang una niya nga Finals appearance sa WTA Tour kag wala niya napunggan ang iya pagbati nga nagdala sang luha matapos ang hampang.
Bisan pa sa napierde, magapadayon gihapon ang paghampang ni Eala samtang siya nagapreparar para sa pagsugod sang iya kampanya sa Wimbledon batok sa defending champion nga si Barbora Krejcikova.
