Paga umpisahan na ni Pinay tennis star Alex Eala ang iya pagpreparar para sa isa pa ka Grand Slam tournament, ang US Open, paagi sa pag-sal sa National Bank Open sa Canada.
ang torneo magaluntad sa Canada halin Hulyo 26 tubtob Agosto 7.
Ang National Bank Open isa ka WTA-1000 level tournament nga magaserbe bilang preparasyon para kay Eala sa iya pag-sali sa US Open nga mag-aumpisa naman sa Agosto 24 tubtob Setyembre 7.
Upod ni Eala nga ranked 56 sa main draw sang National Bank Open ang pila ka mga bantog nga pangalan sa tennis, lakip na sina Aryna Sabalenka sang Russia, Jessica Pegula kag Coco Gauff sang US, Iga Swiatek sang Poland, kag Jasmine Paolini sang Italy, nga tanan mga Top 5 WTA players sa subong.
Madumduman nga si Eala nakaapil na sa French Open kag Wimbledon, bisan pa nga wala ini nakadaog, samtang nakaabot siya sa finals sang Lexus Eastbourne Open.
Suno pa kat Eala nga magapahuway siya sa Pilipinas sang pila ka semana antes magbalik training para sa torneo sa Canada.
