Ginbatak sa alert level 3 ang status sang Bulkan Kanlaon matapos nga liwat ini nga naglupok alas-3:03 subong nga hapon sang Lunes, Disyembre 02024.
Suno kay Mari-Andylene Quintia sang Phivolcs Kanlaon Volcano Observatory sa La Carlota City, narekord ang explosive eruption matapos nga nagbuga sang madamol nga aso kag abo ang bulkan.
Suno sa opisyal, padayon ang monitoring sa bulkan samtang padayon pa ang paglupok sini.
Ang bulkan ang nagbuga na sang kapin sa 3,000 tubtob sa 4,000 meters nga plume.
Gani panugyan sini sa tanan nga mga pumuluyo nga malapit sa bulkan nga mag-ulu-aligmat, maggamit sang facemask kag mag-evacuate na kun kinhanglan.
Samtang, ginpakigbahin man ni Thena Merual sa Bombo Radyo Koronadal nga nasaksihan gid sini ang paglupok sang bulkan kun diin halos nakibot kag nagapalangurog ini. Gilayon suno pa sila nga naghimos agud nga magbiya sa ila panimalay samtang nagadamol ang aboo kag asupre nga ginabuga sang bulkan.
Madumduman nga una na nga naglupok ang bulkan sang Hunyo 3, 2024.
