Nagapabilin sa gihapon sa Alert Level 2 ang Bulkang Kanlaon sa Negros Island, suno kay PHIVOLCS Director Teresito Bacolcol.
Ini, bisan pa sa napagkit nga moderately explosive eruption sang Pebrero 19, nga nagdugay sang duha ka minuto.
Nagbuga ang bulkan sang itom nga abo nga naglab-ot sa 2,000 metro halin sa crater.
Napagkit man ang pyroclastic density currents nga nagdulong sa naaminhan bahin sang bulkan, tubtob sa isa ka kilometro halin sa summit crater.
Nagpagwa ang PHIVOLCS sang pagpaalinton nga ginadili gihapon ang pagpasulod sa 4-kilometro nga permanent danger zone bangud sa peligro sang hinali nga paglupok, pagtibusok sang mga bato, kag daluto sang abo.
Samtang, nagpahinumdom ang Office of Civil Defense nga magpabilin nga alerto ang mga komunidad sa palibot sang Kanlaon kag magsunod dayon sa mga abiso sang awtoridad agud malikawan ang peligro.
