KORONADAL CITY- Naglab-ot na sa masobra 700 ang napagkit nga aftershocks kasunod sang Magnitude 6.3 nga linog sa Mindanao.
Ini ang ginkumpirmar ni OCD 12 Assistant Regional Director Jerome Barranco sa interbyu sang Bombo Radyo Koronadal.
Suno kay Barranco, ang nasambit nga datos ang base sa ginpalab-ot sang PHIVOLCS kaina alas 12 sang kaagahon.
Posil=ble suno pa nga magsaka ang numero sang mga aftershocks gani dapat mangin alerto ang tanan apang hugot nga pahanumdom man sini nga nagakadapat likawan ang pagpalapta sang mga sala nga impormasyon bangud magatuga lamang ini sang panic sa publiko.
Samtang suno naman kay PDRMMO South Cotabato Operations and Warning Chief Rolly Doane Aquino, kapin 30 ka tawo nga yara sa sulod sang mall ang nalipong kagab-i bangud sa napagkit nga magnitude 5 nga aftershock.
Magluwas diri, may napagkit man nga pilason nga babaye makaligad nga naglumpat sa escalator makaligad nabatyagan ang pagtay-og.
Sa subong ginpahugtan pa sang PDRRMO ang pagpatigayon sang earthquake agud malikawan ang nasambit nga insidente kun may yara sang linog.
