KORONADAL CITY – Kumpiyanasa si PSupt. Bernard Tayong, tagpamaba sang Cotabato Police Provincial Office nga mangin malinong ang igapatigayon nga ikaduha nga bahin sang plebisito sang Bangsamoro Organic Law sa bahin sang Lanao el Norte kag North Cotabato.
Sa interbyu sang Bombo Radyo Koronadal kay Tayong, hugot nila nga ginapatuman ang mga checkpoint operations kaupod ang AFP agud masiguro ang pagbiyahe sang mga pasahero mangin ang pag-agi sang mga election officials.
Ginkumpirmar man sini ang presensiya sang MILF apang indi suno pa sila armado kag sa baylo, ginaagda ang mga pumuluyo nga magboto.
Kampante man ang opisyal nga wala sang epekto sa seguridad sang North Cotabato kag Lanao del Norte ang nagluntad nga pagsigabong sang IED sa Maguindanao.
Nagpahanumdom man si Tayong sa mga pumuluyo nga indi na magdala sang bag kag dal-on na lamang ang ila identification cards.
