Nagpahayag sang kabalaka ang Armed Forces of the Philippines (AFP) may kaangtanan sa gina-alegar deployment sang China’s Peoples Liberation Army Navy Shandong Carrier Strike group sa Philippine Sea.
Ini ang una nga deployment sang Chinese carrier subong nga tuig sa gwa sang South China Sea.
Suno kay AFP Spokesperson Col. Francel Margareth Padilla, ginpaathag nila ang importansya sa pagpabilin sang kalinong kag kapag-on sang rehiyon.
Bangud diri, ginpahayag ni Padilla nga ila ginahaylo ang tanan nga partido nga magsunod sa international laws,partikular ang United Nations Convention on the Law of the Sea (UNCLOS).
Base sa report, ang ng Joint military exercise sang China’s Peoples Liberation Army Navy kag Russia kaupod ang corvettes ang naga-operate sa karon Philippine Sea.
Gina-alegar kalakip sa training ang inspection sa mga suspisyoso nga mga barko.
Ang Joint Patrol sang China kag Russia ang tuigan nga aktibidad nga nagsugod sang 2021.
Sa piyak nga bahin, ginpahayag ni AFP Chief of Staff Gen. Romero Brawner nga istrikto nila nga ginamonitor ang aktibidad sa tunga sang China kag Russia sa Philippine Sea.
