Gintalakay sang Armed Forces of the Philippines kaupod ang Japan Self-Defense Forces ang mga tikang nga himuon sa partnership sang duha ka pwersa kasunod sang pag-hijack sang China Coast Guard personnel sa rotation kag resupply mission sang Pilipinas sa Ayungin shoal sang Hunyo 17.
Ini ang gin-istoryahan sa tunga nanday AFP Chief of Staff General Romeo Brawner Jr. kag General Yoshihide Yoshida, Chief of Joint Staff sang Japan Self-Defense Forces.
Lunsay nabalaka ang duha ka military officers sang damlag lamang sa insidente sa West Philippine Sea.
Kaangot sini, ginpahayag ni General Yoshida nga padayon nga magapanindugan ang JSDF sa bahin sang AFP rason nga paidalumon pa ang kooperasyon sang ila nga pungsod sa Pilipinas kag like-minded countries.
Sa parte naman ni Gen. Brawner, ginpasalamatan niya ang JSDF sa padayon nga suporta sa AFP kag sa PH.
Ang Japan suno pa ang isa sa pinakauna nga pungsod naghatag sang suporta sa pagkondenar sa mga aksiyon sang China Coast Guard.
