KORONADAL CITY – Hugot man nga ginkundenar sang Armed Forces of the Philippines (AFP) ang magkasunod nga explosion sa siyudad sang Koronadal kag Tacurong kahapon sang udto.
Ini ang ginpahayag ni Col. Oriel Pangcog, commander sang 601st Brigade Philippine Army sa interview sang Bombo Radyo.
Suno kay Col. Pangcog, nakig-angot na sila sa PNP agud makabulig sa imbestigasyon kag maresolbar gilayon ang natabo.
Dugang pa sang opisyal, sa ila nga bahin may ginatumod na sila nga responsable sa pagpamomba bangud sa signature sang IED.
Nahibaluan nga antes pa man ang pagsigabong sang IED sa YBL bus sa Koronadal may 13 ka mga IED nga narekober ang mga suldado sa Maguindanao nga ginapanag-iyahan sang BIFF nga plano suno pa nga pasigabungon sa diin man nga bahin sang Mindanao..
