Ginpasiguro sang Sandatahang Lakas ng Pilipinas (AFP) ang pagtindog sa pinakamataas nga panuntunan sa disiplina.
Sa official statement nga ginpagwa sang AFP subong adlaw, nanindugan ang hukbo nga ini isa ka professional nga institusyon nga gintukod nga may disiplina, integridad, kag pagrespeto sa human dignity.
Suno sa hukbo, indi nila sugtan nga magdominar ang hazing, physical abuse, pangmaltrato, kag iban pa nga porma sang pang-abuso.
Suno sa AFP, ginmandu ni General Romeo Brawner Jr. sa tanan nga unit nga panindugan ang pinakamataas nga standard sang military conduct kag disiplina kag i-reject ang tanan nga klase sang hazing kag pang-abuso.
Magapadayon ang AFP sa commitment sini nga palaparon ang kultura sang profesyonalismo, mutual respect, kag accountability.
Suno sa hukbo, tanan nga personnel, bisan ano pa ang rango kag posisyon, dapat tratuhon nga may pagrespeto kag dignidad sa training, seremonya, duty, kag bisan sa adlaw-adlaw nga paggampan sang mga tungkulin.
Madumduman, isa ka bag-ong sundalo ang napatay samtang ara siya sa tunga sang reception rites sa 6 Infantry Division sang Philippine Army sa Mindanao.
Ang amo nga insidente, suno sa Phil Army, amo yara gihapon sa imbestigasyon.
