AFP gina-awhag ang mga rebelde nga magsungka katal-os sang normal nga pangabuhi

KORONADAL CITY- Padayon ang pagpang-awhag sang Armed Forces of the Philippine ukon AFP sa mga miyembro sang armado nga grupo nga magsungka na sa gobyerno.

Ini kasunod man sang pagsungka sang 14 ka mga miyembro sang Bangsamoro Islamic Freedom Fighters ukon BIFF sa Maguindanao.

Ginpahayag ni 6ID spokesman Lt. Col Edwin Alburo nga ang nasambit nga mga miyembro sang BIFF ang nakabaton na sang financial assistance kag livelihood assistance agud makasugod sang normal kag maayo nga pagpangabuhi.

Samtang sa pihak nga bahin bukas sa gihapon ang AFP sa pagbaton sang mga miyembro sang armado nga grupo agud nga mabuligan nga magbalik sa normal nga pangabuhi bilang mga sibilyan.