KORONADAL CITY – Talulupangdon sa subong ang kaso sang adolescent pregnancy sa syudad sang Koronadal.
Ini ang nangin pahayag ni Dr. Vincent Ende- City Health Officer sang Koronadal sa interview sang Bombo Radyo Koronadal.
Aminado ang opisyal nga may yara sang pagsaka sang kaso nga napagkit ang ila nga pamunuan nga nagadala sa lamharon pa lamang nga edad.
Ini ang isa mga butang nga masami nga magbutang sa mga kabataan sa alanganin nga sitwasyon kag maayo nga pagpatubo sang ila nga mga kabataan bangud sa lamharon sang mga ini nga kaisipan nga mahimo man mangin tunaan sang pag-abandona sang mga kabataan sang mga lapsag nga dapat ila nga responsibilidad.
Sabat ini sang opisyal sa ulihi nga serye sang pagbilin sang fetus sa basurahan nga nasapwan sang mga otoridad nga ara na state of decomposition sa bahin sang Barangay Zone 3, Koronadal City.
Dugang pa sang opisyal, naga kaangay nga mangin responsable ang mga ginikanan sa ila nga mga kabataan kag pagpadako sang mga ini sang mgaayo kag husto.
Kun nati-on man nga indi preparado ang mga ini sa responsibilidad mahimo man ini nga ihatag sa naga kaanay nga ahensiya agud nga matatapan kag indi mapatay.
Kaango sini, ginalaygayan man sini ang mga ginikanan nga giyahan sang maayo ang mga kabataan agud nga makalikaw sa temprano nga pagbusong.
