Actor Justin Baldoni ginkasuhan ang New York Times bangud sa mali nga impormasyon batok sa iya

Ginkasuhan sang aktor nga si Justin Baldoni ang New York Times bangud sa pagpaguwa sang balita parte sa sexual harassment sa aktres nga si Blake Lively.

Suno sa aktor, ang ginpagwa nga balita sang nasambit nga dyaryo indi matuod kag wala sang bastante nga impormasyon kag madamo sang mga sala.

Madumduman nga nagpasaka sang reklamo sa California Civil Rights Department sang Disyembre si Lively nga nag-akusar kay Baldoni sang sexual harassment kag retallation.

Natabo suno pa ang insidente samtang ginahimo ang ila pelikula nga “It Ends With Us”.

Nagbalos si Baldoni kag ang ginhimo sang aktres bilang pagpanira sa iya karera.

Dugang pa sang aktor nga ginpatihan sang New York Times ang mga ginasiling sang aktres bisan wala gina-kuha ang iya panig.