KORONADAL CITY – Hugot nga ginadumilian kag dako nga sala ang abortion kun pagabasehan ang Biblical nga aspeto.
Ini ang ginpahayag ni Pastor Raymond Perez, principal pastor sang VCF koronadal sa interview sang Bombo Radyo.
Suno kay Pastor Perez, indi kasubong sang Estados Unidos ang Pilipinas bangud majority sang mga Pinoy ang nagadumili kag nagapamatok sini.
Dugang pa ni Perez, dako nga sala sa Mahal nga makaako ang ginatawag nga intentional abortion kun diin ginahungod nga patyon ang “fetus” nga yara na sa taguangkan sang isa ka babaye.
Apang sa pihak sini tanan, aminado si Pastor Perez nga dako man ini nga pagpanghangkat sa kasamtangan nga henerasyon.
Ini bangud sa rampant nga kaso sang pre-marital sex tuga sang madamo nga factors nga naga-impluwensiya sa kabataan.
Gani ginarekomendar sini sa mga ginikanan nga mag-reach-out sa mga kabataan agud mahatagan sang “right education” ang mga ini pag-abot sa kamatuoran.
Dapat man suno pa nga dumduman sang tanan nga sandig sa Bibliya, indi ang tawo ang nagapanag-iya sang kabuhi kag wala kita sang matarong nga utason sini.
