Nagsumiter ang abogado ni Pastor Apollo Quiboloy sang rejoinder affidavit sa Department of Justice (DOJ) bahin sa obstruction of justice complaint nga gin-file sang Philippine National Police (PNP) batok sa iya.
Ang rejoinder affidavit isa ka legal nga dokumento nga ginapasumiter sang respondent ukon defendant agud sabton ang bag-o nga isyu nga ginpasaka sang complainant.
May kaangtanan ang reklamo sa pagserbi sang warrant of arrest batok kay Quiboloy sa sulod sang compound sang Kingdom of Jesus Christ (KOJC) sang ginpasulod ini sang PNP Criminal Investigation and Detection Group sa Region 11 nga ginpangunahan sang anay PNP chief Nicolas Torre III.
Ginpahayag ni Atty. Israelito Torreon sa pagsumiter sang iya rejoinder affidavit nga sa idalom sang Section 11, Rule 113 sang Rules of Court, kinahanglan naka-specify sa warrant of arrest ang address sang building nga pasudlon kag ginpabutyag nga dapat may probable cause.
Madumduman nga sang nagligad nga bulan, nagsumiter si Atty. Torreon sang counter-affidavit kag nagpanindugan nga indi siya dapat kasuhan sang obstruction of justice kay nag-akto lang siya bilang legal counsel ni Quiboloy.
