KORONADAL CITY – Nakahanda nga buligan sang isa ka abogado ang pamilya sang tatlo ka kabataan nga naluthang-patay sa isa ka ginaduso sang kapulisan nga “shootout” sa banwa sang Lambayong, Sultan Kudarat.
Ini makaligad nga nagtanyag sang libre nga serbisyo-legal si Atty. Ronald Hallid Dimacisil Torres sa pamilya sang tatlo ka kabataan nga napatay sa isa ka police operation.
Luyag ni Atty. Torres nga kasuhan ang mga pulis nga kalakip sa nasambit nga lehitimo suno pa nga law-enforcement operation.
Suno kay Attorney Torres, bukas ang iya sini talatapan para sa pamilya sang mga napatay kung kinahanglan nila sang libre nga legal service para matagaan sa hustisya ang kamatayon sang nasambit nga mga biktima.
Ini bangud si Attorney Torres amo man ang kasamtangan nga chairman sang Bangsamoro Business Council.
Kun madumduman natabo ang pagkapatay sang 3 ka ginaaligar drug suspect sa Lambayong, Sultan Kudarat sang Byernes nga adlaw Disyembre 2, 2022.
Hugot naman nga ginpanginwala sang himata sang mga napatay ang pahayag sang mga katapo sang Lambayong Municipal Police Station nga una nga nagpalagas sa checkpoint ang tatlo tubtob nga nagbato sa mga kapulisan tubtob napatay.
Apang, ini ang ginatindugan naman sang kapulisan kag ginpanginwala ang mga aligasyon sang pamilya sang mga suspetsado.
Kun madumduman nakuha sa mga napatay ang duha ka .45 caliber pistol kag isa ka sachet sang ginapatihan nga shabu.
