KORONADAL CITY– Ginapasiguro sang 27th IB Philippine Army nga magapanabat ang pamunuan sang ginasiling nga revolutionary school nga ginpatukod suno pa sang New Peoples Army sa Brgy. Lam-Afus sa banwa sang Banga South Cotabato makaligad nga matukiban nga may makaduluda nga hulag ang mga nagapamalakad sa nasambit nga buluthuan.
Sa interbyu sang Bombo Radyo Koronada kay 2nd Lt. Col. Radjan Palacio, tagpamaba sang 27th IB Philippine Army nga indi suno pa dapat kunsintihon ang nasambit nga mga buluthuan ilabi na nga makatilingala ang mga ginatudlo sang mga ini sa ila mga estudyante kasubong sang paghatag sang lain nga kahulugan sa ‘Abakada’ ukon Alpabetong Filipino kun sa diin ang A ang ginakumparar sa Armas ang B ang ginahimo nga Bala kag ang iban nga mga tinaga ang ginakumparar sa Armed struggle.
Luwas sa mali nga ginatudlo sang komunista, kasubong nga nagapalayo ang mga kabataan ilabi na kun makakita sang mga suldado kag kasubong nga vigilante ang ila nga reaksyon kag nagalikaw.
Kaangot sini nagpatigayon na sang dayalogo sa tunga sang militar kag mga manunudlo sang nasambit nga
revolutionary school makaligad ini nga ginpasarado bangud wala sang mapakita nga permit halin sa Department of Education.
