Ginapanugyan ni Sen. Raffy Tulfo nga butangan sang speed hump ang mga pedestrian lane agud mapahinay ang mga salakyan kag malikawan ang mga aksidente nga nagapameligro sa kabuhi sang mga nagatabok.
Sa pagdinig sang Senate Committee on Public Services sang Miyerkules, Oktubre 28, ginpahayag ni Tulfo nga padayon ang mga insidente sang pagkabunggo sa mga pedestrian lane bangod may mga motorista nga wala nagapundo ukon nagahatag-daan sa mga nagatabok.
Suno sa senador, madugay na niya nga ginaduso ang pagbutang sang mga speed hump sa mga tawiran bilang isa ka praktikal nga paagi agud mapugos ang mga motorista nga maghinay sang dalagan kag mangin mas mabinantayon sa pagpadalagan sang ila mga salakyan.
Gindugang ni Tulfo nga kinahanglan hatagan sang seryoso nga pagtalupangod ang kaluwasan sang mga nagalakat, ilabi na sa mga lugar nga may gintalana nga pedestrian lane nga dapat respetuhon sang mga motorista.
Ginapaabot sang senador nga mapagahatagan sang aksyon ang iya panugyan agud maminusan ang mga aksidente sa karsada kag maprotektahan ang kabuhi sang mga pedestrian.
