Ginpahayag sang United Kingdom nga ginatarget sila subong sang Iran, suno sa mga impormasyon nga nakuha sang ila intelligence agency.
Suno kay MI5 Director General Ken McCallum, nakabaton sila sang mga impormasyon bahin sa ginaplanohan nga mga pag-atake sang Iran batok sa mga military site sa UK.
Isa sa mga halimbawa sini amo ang ginapatihan nga pagsulay sa pag-atake sa isa ka Royal Air Force base sang nagligad nga bulan.
Dugang pa ni McCallum, indi lamang ang United Kingdom ang posible nga target sang Iran, kundi lakip man ang iban nga bahin sang kalibutan.
Sa pihak sini, ginpasiguro sang British intelligence nga may yara sila sang hugot nga kooperasyon kag koordinasyon sa nagkalain-lain nga mga pungsod agud mapreparar ang seguridad kag mapunggan ang posible nga mga pag-atake nga mahimo maghalit sa ila militar kag mga pumuluyo.
