Apektado sang pagbaha ang apat ka purok sa Barangay BS Aquino, Norala, South Cotabato, matapos ang mabaskog nga ulan sang nagligad nga gab-i.
Sa karon, nagapabilin nga baha ang Purok Legada kag iban pa nga apektado nga mga lugar, kag wala pa nagahupay ang tubig.
Sa interview sang Bombo Radyo Koronadal kay Joel Pineda, SK Chairman sang Barangay BS Aquino, ginhisgutan ang kasamtangan nga sitwasyon sa ila barangay matapos ang pagbunok sang ulan.
Samtang, suno kay Nevard Zambra, presidente sang Rice Bowl Irrigators’ Association (IA), madugay na nga problema ang pagbaha sa nasambit nga mga purok.
Padayon man ang monitoring sang mga otoridad agud mahibaluan kon pila na ang apektado sang pagbaha kag matutukan ang kahimtangan sa mga lugar nga padayon nga ginabaha.
