Ginpahayag ni Mayor Erlinda Araquil nga handa siya nga magsunod sa mando sang Department of the Interior and Local Government (DILG) kon ipakuha ukon ipausab ang kolor pink sang bus nga ginadugtong sa isyu sang Anti-Epal Law.
Sa interview sang Bombo Radyo Koronadal, ginpahayag ni Araquil nga kon mandoan siya sang DILG nga panason ang kolor pink, iya ini nga tumanon.
Apang, ginhamon niya ang ahensya nga ipatuman ang kaangay nga mando sa tanan nga opisyal sang gobyerno.
Suno sa alkalde, guba na kag gin-junk na ang nasambit nga bus, gani ginaplano ini nga ipaayo agud magamit pa liwat.
Ginpahayag man ni Araquil nga wala siya sang problema sa kolor pink bangud amo ini ang iya paborito nga kolor.
Gin-insister sang alkalde nga kon ipatuman sang DILG ang mga pagsulundan may kaangtanan sa Anti-Epal Law, dapat ini mangin pareho para sa tanan nga opisyal sang gobyerno kag indi lamang sa pinili nga mga indibidwal.
