Ginpahayag ni senator-judge Panfilo “Ping” Lacson nga indi pagakabigon sang mga senador nga bug-os nga kamatuoran ukon “gospel truth” ang findings ni financial analyst Atty. Alexander Cabrera sa impeachment trial batok kay Bise Presidente Sara Duterte.
Suno kay Lacson, bukas ang mga senator-judges sa mga counter-argument sang depensa nga mahimo magpaluya sa opinyon, testimonya kag kredibilidad ni Cabrera sa tion sang cross-examination.
Nagsugot man diri si Presiding Officer Francis “Chiz” Escudero, nga nagpahayag nga ang testimonya sang expert witness indi pinal sa desisyon sang korte.
Suno sa mga lagda sang impeachment court, yara sa mga senator-judges ang pagdesisyon kun ano kabug-at ang opinyon kag mga ebidensya nga ginapresentar sa tion sang pahlitiga.
