Ginkabig ni football superstar Lionel Messi nga pinakamakasusulubo nga adlaw sa iya karera ang adlaw sang iya pagretiro sa football.
Nakapuntos pa sang goal si Messi sa kadalag-an sang Argentina kontra Benin sa ila katapusan nga hampang, antes siya nagpahayag sang iya pagpasalamat sa tanan nga nangin bahin sang iya 21 ka tuig nga karera.
Suno sa 39-anyos nga football star, bisan madamo ang mga pagtilaw kag problema nga iya naatubang sa kabuhi kag karera, padayon siya nga nagbangon kag nagpadayon sa pagpakigbato.
Ginpahayag man ni Messi nga isa ka dako nga dungog para sa iya ang pagrepresentar sa Argentina sa bug-os niya nga karera, ilabi na ang mga kadalag-an nga iya nakab-ot upod sa nasyonal nga team.
Samtang, yara pa sa kontrata si Messi sa Miami team tubtob 2028, apang ginpahayag niya nga posible nga indi niya matapos ang amo nga kontrata bangud sa iya desisyon nga magretiro.
