Ginkondena ni Ukrainian President Volodymyr Zelensky ang padayon nga pag-atake sang Russia sa Ukraine, nga suno sa iya nagresulta sa pagkapatay sang 20 ka tawo sa central kag eastern Ukraine.
Suno kay Zelensky, gin-target sang Russia ang isa ka residential building sa Pryluky sa Chernihiv region bilang bahin sang mga airstrike.
Bangud sini, nagpahayag man si Zelensky nga nagresponde ang Ukraine paagi sa pag-atake sa mga target sa Perm, Samara kag Astrakhan regions sa Russia.
Sa pihak sang nagapadayon nga tensyon kag pagbinayloay sang mga pag-atake, liwat nga nanawagan si Zelensky sa mga kaalyado nga pungsod nga ipadayon ang paghatag sang suporta para sa depensa sang Ukraine batok sa Russia.
Padayon naman ang pag-monitor sa sitwasyon bangud sa nagapadayon nga pag-atake kag epekto sini sa mga sibilyan sa duha ka pungsod.
