Gina-awhag sang Festival Director para sa subong nga charter anniversary sang syudad sang Koronadal ang mga pumuluyo lakip na ang mga kaiping nga banwa sang syudad nga magtambong kag magpartisipar sa mga nagkalain-lain nga aktibidades nga ginpreparar para sa selebrasyon.
Sa interview sang Bombo Radyo Koronadal kay Festival Director/City Treasurer Marloun Gumbao, iya ginpahayag nga bukas sa tanan ang selebrasyon.
Suno kay Gumbao, lakip sa mga ginapaabot nga highlights sang selebrasyon ang Mayor’s Night kun sa diin madamo nga mga motorsiklo ang ang igahatag, mga artista nga maga-perform, Musical Fireworks, kag Disco sa Kalye nga ginhimo agud mangin masadya ang pagselebrar sang subong nga anibersaryo.
Dugang pa niya, kabahin man sa aktibidad ang Negosyo Festival kag Lechon Festival nga bukas man sa tanan nga mga pumuluyo kag mga bisita sang Syudad.
