Gin-usisa ni Senator-judge Bam Aquino kon ngaa ginkabig nga wala sang “economic justification” ang transaksyon nga nagpasulod sang ginatos ka milyon nga piso sa account sang Cale88 Foods Corp.
Suno sa Anti-Money Laundering Council (AMLC), wala sang “underlying legal or trade obligation, purpose, or economic justification” ang mga transaksyon nga may kaangtanan sa kompanya, lakip ang ₱319.33 milyon nga inward remittances halin sa China kag Hong Kong.
Ginpahayag ni Security Bank Branch Banking Group Head Leslie Cham nga nagakabig nga “suspicious” ang isa ka bank transaction kon wala ini sang proof of source of income ukon dokumento nga nagapakita kon diin naghalin ang pondo.
Suno kay Cham, kabahin ini sang mga requirement sang mga bangko sa pag-validate sang mga transaksyon. Apang ginpahayag niya nga wala niya direkta nga ginapatuhuyan ang ₱319.33 milyon nga transaksyon sang Cale88.
Dugang niya, ini nga proseso ukon requirement ginapatuman sa mga bangko sa bilog nga pungsod, lakip ang mga bangko nga may mga account nga konektado sa Cale88.
