Gin-appont si taekwondo gold medalist Jeus Gabriel Derrick Yape bilang flag bearer sang Pilipinas sa closing ceremony sang 20th Asian Games Aichi-Nagoya 2026 sa Domingo.
Gin-anunsyo ni Philippine Olympic Committee (POC) President Abraham Tolentino ang pag-appoint kay Yape sang Sabado.
Suno kay Tolentino, takus ang 22-anyos nga atleta sa amo nga dungog matapos niya makuha ang gold medal sa Mixed Individual Virtual Taekwondo.
Nangin kabahin si Yape sa makasaysayan nga kampanya sang Philippine Taekwondo sa sini nga Games, kun sa diin nakakuha ang team sang isa ka gold medal, tatlo ka silver medals kag isa ka bronze medal.
Nakakuha man si Yape sang bronze medal sa Men’s Individual Poomsae.
Magaupod kay Yape sa parade sang mga atleta ang mga silver medalists nga sanday Juliana Mykahil Candelaria, Tachiana Keizha Mangin, Kurt Bryan Barbosa kag Carlo Paalam.
Ginpreparar naman ang closing ceremony sa Mizuho Park Athletics Stadium sa Nagoya City, alas-5:00 sang hapon.
