Indi kinahanglan nga i-adjust sa apat ka adlaw nga work week ang operasyon sang Provincial Government sang South Cotabato, bangod suno kay Governor Reynaldo Tamayo Jr., masarangan pa sang probinsya ang nagasaka nga presyo sang gatong.
Ginpahayag ni Tamayo nga bisan nagalab-ot na sa P80 tubtob P90 kada litro ang presyo sang gatong, kaya pa ini sang provincial government kag wala sang kinahanglan nga pagpanubo sang adlaw sang trabaho.
Suno sa gobernador, may yara man sang igo nga suplay sang gatong ang probinsya, gani indi pa kinahanglan nga magpatuman sang four-day work week bilang sabat sa pagsaka sang presyo sini.
Dugang pa niya, indi dapat maapektuhan ang regular nga operasyon sang mga opisina sang gobyerno bangud importante nga magapadayon ang paghatag sang mga serbisyo nga kinahanglan sang katawhan.
Ginpahayag man ni Tamayo nga sa karon, wala pa sang rason para bag-uhon ang work schedule sang Provincial Government, samtang ginamonitor nila ang kahimtangan sang suplay kag presyo sang gatong.
