Mahigit 1,800 dokumento at tatlong testigo ang nakatakdang iharap ng House prosecution sa pagpapatuloy ng impeachment trial ni Vice President Sara Duterte Mahigit 1,800 dokumento, ihaharap sa impeachment trial ni VP SaraMahigit 1,800 dokumento, ihaharap sa impeachment trial ni VP Sara.
Pangungunahan nina Bicol Saro Party-list Rep. Terry L. Ridon at Akbayan Party-list Rep. Chel Diokno ang presentasyon ng ebidensya para sa Article II, na tumutukoy sa alegasyon ng hindi maipaliwanag na yaman.
Kabilang sa susuriin ang SALN ni Duterte at mga rekord ng mga kumpanyang iniuugnay sa kanya at sa kanyang asawang si Manases “Mans” Carpio.
Ihahain din ng prosekusyon ang mga rekord sa bangko, buwis at iba pang financial documents, kasama ang testimonya ng isang retiradong Sandiganbayan justice at mga opisyal mula sa Office of the Ombudsman at Securities and Exchange Commission.
Layunin ng prosekusyon na suriin kung naaayon sa idineklarang yaman at lehitimong pinagkukunan ng kita ni Duterte ang kanyang mga ari-arian at transaksyong pinansyal.
