Bigtime oil price hike pagalauman sa madason nga semana – DOE

Ginalauman ang panibag-o nga pagsaka sang presyo sang mga produkto nga petrolyo sa madason nga semana.

Suno sa pag-estimate sang Department of Energy ukon DOE, posible nga magsaka sang P4 tubtob P4.50 ang kada litro sang diesel, samtang P3.50 tubtob P4 ang posible nga idugang sa presyo sang gatong.

Samtang, ginalauman naman nga magsaka sang tubtob P5.05 ang kada litro sang kerosene.

Ginalauman nga may kaangtanan ang nasambit nga pagsaka sang presyo sa panibag-o nga pag-atake sang Estados Unidos sa Iran, nga mahimo magapadayon sa pag-apekto sa suplay kag presyo sang krudo sa merkado.