Nagsaka sa 6.5 milyon ang mga Pilipino nga nakagwa sa kapigaduhon matapos magpanubo sa record-low nga 9.7% ang poverty rate sang 2025, suno sa Philippine Statistics Authority (PSA).
Ini ang una nga tion nga nagpanubo sa single digit ang lebel sang kapigaduhon sa Pilipinas.
Ginkabig ini nga dako nga milestone bangud nakab-ot ini tatlo ka tuig antes sang target nga 2028 sa idalom sang Philippine Development Plan (PDP) sang gobyerno.
Suno sa PSA, yara sa 11 milyon nga Pilipino ang nagakabuhi sa idalom sang poverty threshold sang 2025.
Mas manubo ini kumpara sa 17.5 milyon nga na-record sang 2023.
Ang pagnubo sang poverty rate nag-upod sa pagsaka sang nominal nga kita sang 22% halin 2023 tubtob 2025.
Mas mataas ini kumpara sa 5% nga inflation rate sa amo man nga tion.
Suno kay Economic Planning Secretary Arsenio Balisacan, una ini nga tion nga mas manubo sa isa sa kada napulo ka Pilipino ang nagakabuhi sa idalom sang poverty line.
Ginpahayag niya nga importante ang pagpalapad sang economic opportunities kag paghatag sang epektibo nga social protection.
Ginalauman man nga ini makabulig sa mas madamo nga Pilipino nga makagwa sa kapigaduhon kag mag-uswag ang ila kabuhi.
