Padayon nga nagapatigayon sang assessment kag monitoring ang Koronadal City Police Station sa mga buluthuan sa syudad.
Ini ang nangin pahayag ni PLtCol. Harold Cornel, Chief of Police sang Koronadal City Police Station, sa interview sang Bombo Radyo Koronadal.
Suno kay PLtCol. Cornel, kabahin ini sang kampanya sang kapulisan batok sa kriminalidad kag para masiguro ang seguridad sa mga buluthuan.
Samtang, ginpabutyag man sang opisyal nga nagpatigayon man ang kapulisan sang mga seminar kag training sa pila ka buluthuan.
Lakip diri ang Koronadal National Comprehensive High School nga ginhatagan sang dugang nga security measures.
Ini ang ginhimo kasunod sang nagluntad nga social media threat sa Tamapakan National High School.
Suno kay PLtCol. Harold Cornel, padayon ang koordinasyon sang PNP sa mga school authorities agod mapabaskog ang seguridad.
Ginpabutyag niya nga yara sa padayon nga pagbantay ang mga lugar sa syudad nga posible mangin target sang kriminalidad.
Ginpasiguro sang hepe nga indi mag-untat ang monitoring kag pagpatrolya sang Koronadal PNP.
Katuyuan sini nga maproteheran ang mga estudyante, manunudlo kag iban pa nga personnel kag mapabilin ang kalinong kag seguridad sa syudad.
