Ginpahayag ni House impeachment team spokesperson kag Lanao del Sur Rep. Zia Alonto Adiong nga daw naugot ang kampo ni Vice President Sara Duterte kay House prosecution counsel Atty. Lorna Kapunan bangud epektibo sini nga napaguwa ang mga testimonya nga nagapabaskog sa impeachment case batook sa bise presidente.
Ini ang sabat ni Adiong matapos tawgon ni Davao City Rep. Paolo “Pulong” Duterte si Atty. Kapunan nga “Marites sang impeachment” kag kwestyunon ang pag-angot sini sa pamilya Duterte sa suno pa kultura sang kalakasan.
Nagguwa ang pagpakamalaot sa mga pahayag ni Atty. Kapunan matapos ang ang makangilidlis nga pagpangluthang sa Ateneo de Zamboanga University.
Ginmentionar niya ang mga nauna nga pahayag ni Vice President Duterte bahin sa pagkuha sang assassin kag ang pahayag sini sang Nobyembre 2024 nga ginmanduan suno pa niya ang isa ka tawo nga patyon sanday President Ferdinand Marcos Jr., First Lady Liza Araneta-Marcos kag anay Speaker Ferdinand Martin Romualdez kun mapatay ang bise presidente.
Ginmentionar ni Atty. Kapunan ang madug-on nga giyera kontra droga ni anay President Rodrigo Duterte kag mga alegasyon sang extrajudicial killings, samtang ginpaklaro niya nga hindi lang ang bise presidente ang ginabasol niya sa karahasan.
Suno kay Rep. Adiong, indi kinahangalan depensahan si Atty. Kapunan bangud masarangan sini nga depensahan ang iya kaugalingon, apang indi makabulig ang personal nga pag-atake sa depensa ni Duterte ukon sa impeachment proceedings.
Suno sa iya, dapat magapokus ang trial sa mga alegasyon, lakip ang ginaalegar nga sala nga pag-usar sang ₱612.5 milyon nga confidential funds sang Office of the Vice President kag Department of Education.
Duterte camp, gin-akusahan nga naugot kay Kapunan bangud sa epektibo nga pag-usisa sa impeachment trial
