Nagtibusok sa record low ang Philippine peso sa ₱61.995 kontra dolyar sang Miyerkules, antes magsarado sa ₱61.815.
Nalampuwasan sini ang anay nga record low nga ₱61.85 nga napagkit sang Hulyo 24.
Suno sa mga trader, nakaapekto sa piso ang nagapadayon nga tensyon sa Middle East kag ang wala sang kasiguruhan sa direksyon sang US interest rates.
Nagdugang man ang demand sa US dollar bangud ginakabig ini nga safe-haven currency sa tunga sang global uncertainty.
Samtang, ginahulat sang mga merkado ang sunod nga policy decision sang Bangko Sentral ng Pilipinas sa Agosto 27.
Ginapahayag nga ang kahuyang sang piso mahimo magbulig sa mga OFW beneficiaries kag exporters bangud mas madamo nga piso ang bili sang remittances kag export earnings.
Apang mahimo man sini mapamahal ang imported goods kag pagbayad sang foreign-currency debt.
Suno sa mga ekonomista, magadepende ang padayon nga direksyon sang piso sa presyo sang lana, mga pag-uswag sa Middle East kag kusog sang US dollar.
